Os byddwch yn ysgaru neu os bydd eich partneriaeth sifil yn cael ei diddymu, gall hyn effeithio ar eich buddion pensiwn yn y CPLlL. Fel rhan o'r broses gyfreithiol, bydd angen datgelu gwerth eich pensiwn, a gall y Llys ystyried hyn wrth benderfynu ar unrhyw setliad ariannol.
Gall y Llys gyhoeddi Gorchymyn Rhannu Pensiwn neu Orchymyn Clustnodi i gadarnhau sut y dylid trin buddion pensiwn.
Sut gall y Llys ymdrin â'm pensiwn?
| Cwestiwn | Gorchymyn Rhannu Pensiwn | Gorchymyn Clustnodi |
|---|---|---|
| Sut mae'n gweithio? | Rhennir eich buddion pensiwn rhwng y ddau barti. | Telir rhan o'ch buddion i'ch cyn-briod neu gyn bartner sifil pan delir y pensiwn. |
| Pwy sy'n berchen ar y buddion? | Mae'r cyn-briod neu gyn bartner sifil yn derbyn hawl bensiwn ar wahân. | Mae'r buddion yn aros yn rhan o'ch pensiwn. |
| A all ddod i ben? | Na. | Gall ddod i ben mewn rhai amgylchiadau megis ailbriodas neu farwolaeth. |
Beth yw'r Broses?
Os bydd y pensiwn yn cael ei ystyried fel rhan o ysgariad neu ddiddymiad partneriaeth sifil, bydd y broses fel arfer yn cynnwys y camau canlynol:
Beth yw Gwerth Trosglwyddo Cyfwerth Arian Parod (CETV)?
Mae CETV yn amcangyfrif o werth eich hawliau pensiwn yn y CPLlL at ddibenion ysgariad neu ddiddymu partneriaeth sifil.
Fel arfer, bydd y Gronfa yn darparu CETV o fewn 3 mis i'ch cais. Efallai y codir ffi os ydych eisoes wedi derbyn CETV am ddim yn ystod y 12 mis diwethaf.
Beth os ydw i eisoes yn derbyn fy mhensiwn?
Os ydych eisoes yn derbyn pensiwn CPLlL, dim ond cyfran o'r pensiwn blynyddol all gael ei rhannu.
Ni fydd eich cyn-briod neu gyn bartner sifil yn cael yr opsiwn i gymryd lwmp swm di-dreth.
Beth ddylwn i ei wneud ar ôl yr ysgariad neu'r diddymiad?
- Adolygu eich mynegiad dymuniad grant marwolaeth.
- Cadarnhau bod eich manylion personol yn gyfredol.
- Deall na fydd eich cyn-briod neu gyn bartner sifil fel arfer yn gymwys mwyach ar gyfer pensiwn goroeswr.
- Deall na fydd unrhyw bensiwn plant cymwys yn cael ei effeithio.
- Ystyried unrhyw effeithiau os byddwch yn ailbriodi neu'n ffurfio partneriaeth sifil newydd.
Os gweithredwyd Gorchymyn Rhannu Pensiwn yn erbyn eich buddion CPLlL, gall unrhyw bensiwn goroeswr yn y dyfodol i briod, partner sifil neu bartner cyd-fyw cymwys gael ei leihau.
Beth ydi credyd pensiwn?
Os dyfernir credyd pensiwn, bydd hwn yn fudd pensiwn ar wahân i'ch pensiwn chi ar gyfer eich cyd-briod neu gyn bartner sifil.
Gall eich cyn-briod neu gyn bartner sifil:
- Gymryd ei bensiwn o 55 oed (yn ddarostyngedig i'r rheolau perthnasol a gostyngiadau os yn berthnasol).
- Aros tan ei Oedran Pensiwn Arferol.
- Drosglwyddo'r credyd pensiwn i drefniant pensiwn arall.
- Gwneud cais am ei dalu'n gynnar oherwydd salwch difrifol os yw'n gymwys.